كيف تعرف العلاقة بين الولد والنت وهما ماشيين فى الشارع ؟؟؟

السلام عليكم ورحمة الله وبركاتة



ازيكم يا احلي شباب انا حعرفكم النهاردة طريقة عشان تعرفوا لو واحد ماشي مع واحدة ايه هيا علاقتهم ببعض
1_
لو
كان الشاب لابس حذاء بيلمع ، وحزام بيلمع برضه ، وحاطط جيل فى شعره وذقنه
محلوقة ، وماشي مع البنت وهو مايل ناحيتها من باب الاهتمام ، فدي تبقي
المرة الأولى التى بيقابلها فيها ، مع ملاحظة أن حركات ايده تكون متوترة
ومش عارف يحطها فين. اما البنت فبتتكلم بصوت رقيق وبتضحك ضحكة خفيفة ومش
يتكون لابسة كويس عشان متبينش له له أنها (مدلوقة) عليه ، فده معناه أن ده
اللقاء الأول

2 ـ
لو كان الشاب اللي ماشي مع البنت و جزمته
وحزامه مش بيلمعوا وماشي جنب البنت فده معناه أنه عدي شهر تقريبا علي
معرفتهم ببعض وخرجوا مع بعض قبل كده

3 ـ
شاب ماشي مع بنت وماسك ايدها فده معناه انهم بيخرجوا من شهرين

4 ـ
ولما
الرغبات بتزيد بينهم فإنه يخلص من ايدها ويحط ايده على كتفها وكده تقريبا
يبقي حاضنها لأن جنبه يلمس جنبها و ده معناه أنهم قبل مرحلة الخطوبة ،
والوضع ده نوع من الاحتواء للبنت اللي حتكون مراته

5 ـ
ولما
البنت تحط ذراعها بين ذراعه (أنكاجيه) فده معناه أنهم اتخطبوا وأنهما عدو
مرحلة الملامسة باليد وشبه الحضن ، وأنهم بيحلموا بما هو أكبر

6 ـ
لو
كانت النت لابسة فستان طويل او عباية والشاب ماشي معاها ويقزقز لب وبيبص
للمحلات وللي حواليه وماشي غير مهتم باي حاجة يبقي كده اتجوزوا